صدفة إلتقينا وزاغت عيونا
وهلقلب صار يدق بدو يطير
قلتلو إهدا ضل بمطرحك
وغير هلبيت ما عندك رفيق
قللي اتركيني فل طير بهل السما
محتاج دور عا خليل جديد
زهقت من كتر القعود
وهلمطرح اللي ساكن فيه
ما عاد في أنيس
نسيت الفرح وعجقة المواويل
نسيت الأغاني وبسمة المحبين
حاسس بالشتي وسقعة كوانين
بردت تلّجت من كتر السقيع
اتركيني روح عاصيف تموز
علعريشة وشجرة التين
اشتقت للضحك للأغاني
وضمة الحنين
قلتلو روح بس خذني معك
مع غيرك انا ما بقدر بعيش.

زوجة أحمد عبد العزيز توضح اللغط حول المعلومات المسربة عن وضعه الصحي